Sámediggi dieđihii odne ahte bargi geasa balle covid-19 virus njommon, lea iskojuvvon ja iskkus lea negatiiva.
Norgga beale Sámediggi dieđihii golggotmánu 21. beaivvi, ahte Sámedikki bargi geasa navde njommon covid-19 virusa, dál lea iskojuvvon ja iskkus lea negatiiva. Dat mearkkaša ahte dán olbmui ii leat njommon covid-19 virus. Dat diehtu lea sáddejuvvon olbmuide geat fitne dievasčoahkkináigodagas sámediggeviesus.
Sámediggi dieđihii mannan vahkus buohkaide geat ledje fitnan dievasčoahkkináigodagas Sámedikkis go balle muhtin bargái lei njommon dat dávda. Dát olmmoš lea leamaš erremis dan rájes.
