Romssas ii leat goasse ovdal leamaš čakčamánu nu báhkka go dál lea leamaš, 23,4 lieggaceahki. Áhkánjárggas lei dasa lassin ihkku maid báhkka dál čakčamánu, mii hárve dáhpáhuvvá.
– Seammás go lulde measta heavvanit, de lea Davvi-Norggas nu báhkka go dábálaččat ii leat, dadjá meteorologa Sigrid Auganæs VG:ii.
Dán jagi ledje 38 geassebeaivvi Romssas. Definerejuvvo geassebeaivin go leat 20 lieggaceahki dahje eambbo, ja dábálaččat lávejit dan davvigávpogis gaskamearálaččat 12 geassebeaivvi jagis.
– Dán jagi ledje 38. Dat ii leat goasse geavvan. Eanemus mii ovdal lea leamaš, lea 27, ja dat lei diibmá. Muhto leat časkán dan olahusa 11 beivviin.
Báhkka ja goikkádat dagaha maid hástalusaid finnmárkulaččaide. Vuovdebuollinvárra lea oránša dásis earret eará Bearalvágis ja Girkonjárggas. Kárášjogas lea fiskes dásis.
©NTB
