Gulaskuddanvástádusas rievdadusevttohussii boazodoallolága § 60 ektui ja láhkaásahusas, mas evttohuvvo ahte fylkkamánnii addojuvvo vejolašvuohta mearridit bajimuš boazologu siidaoasi nammii Finnmárkkus, Sámediggeráđđi lea dovddahan ahte ii doarjjo dán láhkarievdadusevttohusa.
Gulaskuddanvástádusas rievdadusevttohussii boazodoallolága § 60 ektui ja láhkaásahusas, mas evttohuvvo ahte fylkkamánnii addojuvvo vejolašvuohta mearridit bajimuš boazologu siidaoasi nammii Finnmárkkus, Sámediggeráđđi lea dovddahan ahte ii doarjjo dán láhkarievdadusevttohusa.
– Sámediggi háliida ollislaččat rievdaduvvot boazodoallolága, maiddái § 60. Muhto mii eat doarjjo dán hoahpporievdadusa danne go mii oaidnit ahte dainna ii sáhte čoavdit boazodoalu hástalusaid moktege. Mii dárbbašit guhkes áiggi čovdosiid, ja mii bivdit ahte láhka ovddiduvvo ja evaluerejuvvo ollislaččat viiddis proseassa bokte, mas álbmotriekti biddjojuvvo vuođđun, dadjá sámediggeráđđi Silje Karine Muotka.
Ballá detáljadási váikkuhusain
Muotka ákkasta Sámedikki biehttaleami prinsihpalaččat, danne go boazodoalus lea iešmearridanriekti ja mielde váikkuhanvuoigatvuohta.
– Boazologu juohkin siidaoassedásis lea vuolggasajis orohagaid siskkáldas ášši, ja mun balan váikkuhusain jos eiseválddit ožžot rievtti detáljadásis reguleret. Vuosttažettiin ferte láhčit nu ahte orohagat ožžot buriid siskkáldas proseassaid boazolohkoheivehanproseassas, dadjá Muotka.
Sámedikki dievasčoahkkin meannuda njukčamánu vuosttaš vahkus ášši boazolohkomearrideami boahtteáiggi proseassaid birra, man oktavuođas sámediggeráđđi evttoha earret eará ahte boazolohkoheivehanproseassa evaluerejuvvo, ja bivdit ahte láhka geahčaduvvo ollislaččat. Nu dieđiha sámediggeráđđi preassadieđáhusas.
