Eahkes borret romsalaččat ja finnmárkulaččat vaikko maid. Šukkoláde, čeavssaid, biebmoloahpaid ja gáhkuid. Ihkku fas oađđit unnán. Herbalife Nutrition Mia Bergmann mielas ii leat ártet mii eat bora iđitbiepmu.
Ođđa iskkadeamis boahtá ovdan ahte ovccis logi olbmos Romssas ja Finnmárkkus boradit eahkes. Iskkadeami lea «YouGov» čađahan Herbalife Nutrition ovddas. Viidásit čájeha iskkadeapmi ahte 21 proseantta borret šukkoláde, gáhku dahje eará herskkuid, ja 33 proseantta borret gaskabeaibázahusaid ovdal go nohket.
– Lea čielggas ahte eahkesbiebmu váikkuha dasa ahte dárbbaha go olmmoš iđitbiepmu vai ii, ja mii oaidnit ahte oallugat ruššet. 46 proseantta fylkka álbmogis eai bora iđitborramuša ovtta dahje eambbo beivviid vahkkus, lohká Mia Bergmann, gii lea Herbalife Nutrition Davviriikkaid hoavda.
Ođđet unnit go guhtta diimmu
Mia Bergmann ii fuolastuva go olbmot eai bora iđitborramuša, go máŋggas leat gávdnan dearvvašlaš čovdosiid mat doibmet. Muhto iskkadeapmi čájeha ahte leat measta 700 000 norgalačča geat háliidit borrat iđitbiepmu, muhto eai nagot.
Herbalife Nutrition iskkadeapmi čájeha ahte 50 proseantta Romssa ja Finnmárkku álbmogis ođđet unnán. Juohke nubbi ássi fylkkas oađđá guhtta diimmu dahje unnit, ja šearbmadoaimmat (39%) ja ollu jurdagat (29%) čájehuvvojit leat dain deháleamos ákkain. Moattes oaivvildit maid ahte lea ovttasássi gii hehtte sin oađđimis nohkka (4%).
– Mun jáhkán ahte okta sivain dasa ahte olbmot eai bora iđitbiepmu lea ahte olbmot eai oađe nohkka. 47 proseantta Romssa ja Finnmárkku álbmogis lohket ahte sii eai bora iđitbiepmu dan dihte go sis ii leat áigi dahje leat váibasat, lohká Bergmann.
– Ovdalii go šukkoláde ja gaskabeaibázahusaid, de mun ávžžuhan olbmuid ráhkadit álkes, dearvvašlaš eahkesbiepmu. Ii ge borrat dan maŋŋit. Iđidii mun ávžžuhan ráhkadit dábiid maid nagoda čuovvut, ii ge «Instagram» biepmu mii álo galgá leat fiinnis oaidnit. Deháleamos lea ahte borada iđđes, vaikko livččii olggos juo vázzime, lohká Bergmann.
