Ihttin almmuha Finnmárkkuopmodat gii beassá bivdit ealgga gos dán čavčča. 375 bivdojoavkku gilvalit 295 bivdoguovllu alde.
Ihttin almmuha Finnmárkkuopmodat gii beassá bivdit ealgga gos dán čavčča. 375 bivdojoavkku gilvalit 295 bivdoguovllu alde.
Bivdoguovlluid obbalaš earri 1.066 ealli. Gaskavahku miessemánu 13. beaivvi almmuhuvvo ealgavuorbádeami boađus sierra doaluin maid báikkálaš geavaheaddjisearvvit lágidit.
Bivdojoavkkuid lohku njiedjan
FeFo meahccehálddašeaddji Anders Aarthun Ims, dieđiha ahte bivdojoavkkuid lohku mat leat ohcan lea unnon njealljelogiin jagi 2014 ektui.
– Sivvan dasa lea ahte bivdojoavkkut leat šaddan stuorábut (5,3 bivdi juohke bivdojoavkkus). Unnán ohcamat mearkkaša buoret liibba oažžut bivdoguovllu. Nugo ovddit jagiid ge leat eanemus dievddut geat ohcet ealgabivdui. Dušše sullii 10% bivdiin leat nissonat, dadjá Ims Finnmárkkuopmodaga (Fefo) preassadieđáhusas.
– Bohtet šaddat duhtavaččat
Meahccehálddašeaddji ii muital vuos nu olu ovdal daid báikkálaš vuorbádandoaluid, muhto geažuha ahte olu bivdojoavkkut bohtet šaddat duhtavaččat:
– Dain 290 bivdojoavkkuin mat fargga ožžot bivdoguovlofálaldaga lea goasii bealli mat leat ožžon vuosttaš, nuppi dahje goalmmát vuoruheami ollašuhttot.
FeFo almmuha juolludanlisttu iežaset neahttasiiddus diibmu 22.00. Báikkálaš doaluin almmuhišgohtet loguid 18.00 rájes.
