Ráját rahpasan čađajohtimii.
Buohkat geat johtet olgoriikkas Norgii galget koronaiskosa váldit nu jođánit go vejolaš, dahje 24 diimmu siste. Ođđajagimánu 2.beaivvi rájes álggii mearrádus doaibmat man Norgga ráđđehus lea mearridan.
Gohččon veahki
Politiijat leat dan oktavuođas gohččon veahki Ruovttusuodjalusas (HV17) bearráigeahččat rájá. Dát geat johtet Finnmárkui Suoma bokte vásihit dás rájes ahte bissehit politiijat ja HV-17 joavku sin, čállá HV-17 preassadieđus.
HV-17 ovttas politiijain bearráigehččet Njávdáma, Buolbmága, Gáregasnjárgga ja Geađgeluobbala rájáid. Dát ráját leat rahppon čađajohtimii Finnmárkui. Ohcejoga rádjá lea an gitta dábálaš johtimii.
