-Almmuhus-
-Almmuhus-
OĐĐASAT Hurtigruten bidjá johtui olgguldas dutkama

Hurtigruten bidjá johtui olgguldas dutkama

-

-

Hurtigruten lea gávnnahan siskkáldas prosedyraid «MS Roald Amundsen» fatnasis mat leat rihkkojuvvon. Fitnodat šálloša go nu geavai, ja leat dál sihtán DNV GL čađahit olgguldas dutkama. 

Hurtigruten lea mánnodaga mearridan bissehit buot tuvrraid doaimmahatskiippain «MS Roald Amundsen», «MS Fridtjof Nansen» ja «MS Spitsbergen».

– Mii leat dahkan boastut ja mii leat beahttán dán áššis. Mii doaivvuimet ahte leimmet gergosat álgit doaimmahattuvrraiguin ja mii leimmet bures ráhkkanan. Dat gaskaboddasaš čađaheapmi mii geavai «MS Roald Amundsen» skiippas čájeha máŋga spiehkastaga min prosedyras, lohká Hurtigrutena konserdnahoavda Daniel Skjeldam.

– Dat ii leat nohkka buorre, ja lea dagahan gáibidahkes ja duođalaš dili. Min gussiide, bargiide ja buohkaide geat liikojit Hurtigrutenii, háliidan mun šállošit go nie geavai, lohka Skjeldam.

Olgguldas dutkan

Skjeldam muitala ahte errennjuolggadusat eai leat čuvvojuvvon nu mo galge. 

– Mii diehtit ahte Álbmotdearvvašvuođainstituhta ráđit ja rávvagat eai leat dieđihuvvon sidjiide geain lea ovddasvástádus váldit mearrádusaid min luhtte. Dat lea mielddisbuktán ahte mii leat váldán boasttu mearrádusaid, ja dat fas lea mielddisbuktán ahte mis ii leat nohkka buorre gulahallan, lohká Skjeldam.

– Jus livččiimet čuvvon min iežamet bargovugiid, de jáhkkimis ii livčče min luhtte njommon, vaikko ii sáhte nannet dan. Mii livččiimet sihkkarit dieđihan gussiide gaskavahkku eahket, eatge livčče luoitán olbmuid gáddái bearjadaga. Dát ii leat nohkka buorre, ja lea mu ovddasvástádus go lean bajimus hoavda, lohká Skjeldam. 

Fitnodat lea bálkáhan DNV GL čađahit olgguldas dutkama dáhpáhusas, Hurtigrutena bargovugiid ja mo dat čuvvojuvvojedje.

– Dutkan galgá veahkehit min ipmirdit mii lea dáhpáhuvvan ja mo mii sáhttit sihkkarastit ahte dat ii geava fas, lohká Skjeldam. 

– Dasa lassin leat politiijat ja eará eiseválddit bidjan johtui dutkama ja iskkademiid. Dat lea buorre – ja mii háliidit muitalit ja čoavdit dan, ja veahkehit sihke min ja earáid das mii lea dehálaš: Šaddat buorebun, ja garvit dakkár dilálašvuođaid, lohká son. 

- Advertisement -
-Almmuhus-