Ruošša Gasprom gássa- ja oljofitnodagas lea áigumuš dán jagi huksegoahtit gássajođđasa Nenetsa autonoma guovllus.
Ruošša Gasprom gássa- ja oljofitnodagas lea áigumuš dán jagi huksegoahtit gássajođđasa Nenetsa autonoma guovllus.
Dán čállá odne nenetsaođasdoaimmahat NAO24.
Gássajođđasa huksemii áigu Gasprom golahit dán jagi birrasii 200 miljovnna rubela mii lea sullii 22 miljovnna Norgga ruvnno. Ulbmil dáinna bargguin lea oččodit gássa boaittobeale unna báikkážiidda. Gasprom dieđuid mielde Nenetsa autonoma guovllu boaittobeale báikkiin lea gássageavaheapmi dušše 12,7 proseantta.
Guovllu stuorámus gávpogis, Narjan-Maras, lea 99,6 proseantta. Gaskamearálaččat Ruoššas atnet 66,2 proseantta álbmogis gássa earret eará ruovttus.
