-Almmuhus-
VALÁŠTALLANHuksegohtet ođđa vuojadanbasseaŋŋa

Huksegohtet ođđa vuojadanbasseaŋŋa

-

-

Deanušaldái huksejuvvo ođđa vuojadanbasseaŋŋa ja plánas galgá leat gárvvis maŋit skuvlajahkái.

Deanu gielda lea dohkkehan fálaldaga Norconsult AS čađahit arkiteakta- ja bagadallanbálvalusaid.

Dát lea ovdaprošeakta mii dál álggahuvvo hui fargga, ja bistá guovvamánnui jagi 2017 rádjái, čállá Deanu gielda.

 

Ádjánit jagi

Gielda rehkenastá ahte huksenprošeakta almmuhuvvo guovvamánus 2017:s ja ahte sáhttá huksegoahtit vuojadanbasseaŋŋa boahtte jagi.

Deanu gielda čállá sii árvvoštallet huksenbargu bistá jagi, nu ahte basseaŋŋa gárvána skuvlajahkái 2018/2019.

-Almmuhus-