Olbmot guovddáš guovlluin, Oslos ja Bergenis, livčče galgan vuoruhuvvot covid-boahkuráiddus ovdalii go doaresbeale guovlluid, oaivvilda dutki Gunnveig Grødeland.
– Mii livččiimet galgan vuordit buot ahkejoavkkuid mássaboahkuhemiin dassážii go mis lei veaháš buoret duođaštus das makkár ávki das lea, dadjá Gunnveig Grødeland Forskning.no.
Grødeland, gii lea Oslo universitehta ja Oslo universitehtabuohcceviesu boahkkodutki, dadjá ahte fágaolbmot leat oahppan ollu dan rájes go virus giddii servodaga ja devddii buohcceviesuid golbma jagi áigi. Su mielas lea deháleamos oahppu dat ahte árrat čielggai ahte mis lea erohus riskkas duođalaš buozalmasvuhtii ja jápmimii.
– Mii fertet duostat vuoruhit vel garraseappot boahtte pandemiijas. Mii livččiimet galgan vuos suddjet olbmuid geat orrot guovddáš báikkiin, Oslos ja Bergenis. Doppe lei olu stuorit riska go boaittobealbáikkiin. Olggut Kárášjogas ii leat virus. Dan mii gal álggos diđiimet. Mii livččiimet galgan leat doarvái roahkkadat dan dadjat, dadjá boahkkodutki. (©NTB)
