Huawei gorgŋe nuppi sadjái mátketelefuvdnamárkanis. Apple njiedjá goalmmát sadjái ja Samsung bissu stuorámus buvttadeaddjin.
Huawei gorgŋe nuppi sadjái mátketelefuvdnamárkanis. Apple njiedjá goalmmát sadjái ja Samsung bissu stuorámus buvttadeaddjin.
Amerihkálaš Apple buvttadanfitnodat leamaš máilmmi guovtti stuorámus mátketelefuvdnabuvttadeaddjin 2010 rájes, muhto dál lea massán sajistis kiinnálaš Huawai mátketelefovdnabuvttadeaddjái.
Ain stuorámus
Mátta-Korea buvttadeaddji Samsung bissu stuorámus mátketelefuvdnabuvttadeaddjin. Dán jagi nuppi áigodagas vuvde oktiibuot 71,5 miljovnna mátketelefovnna.
Seamma áigodagas vuvddii Huawei 54,2 mátketelefovnna ja Apple ges 41,3 miljovnna mátketelefovnna, dieđiha
International Data Corporation.
Mátketelefuvdnajohtu njiedjan
Oktiibuot oste olbmot oktiibuot 342 smart-mátketelefovnnaid 2018 nuppi áigodagas. Diimmá ektui lea johtu njiedjan 1,8 proseanttain, čállá NTB ođasdoaimmahat.
Samsung lea jođihan globála márkanii lagabui 30 proseantta telefovnnain, Huawei sullii 16 proseantta ja Apple ges birrasii 12 proseantta.
