-Almmuhus-
OĐĐASATHollywoodfilbma buktá turisttaid

Hollywoodfilbma buktá turisttaid

-

-

Ođđa filbma «Downsizing» mas Matt Damon lea váldoneavttár, lasiha turismma Viestterállasii badjel njealjádasain.

«Downsizing» filbma ráhkaduvvo Viestterállasis ja Lofuohtas, ja dat mearkkaša erenomáš ollu turismaealáhussii dáin guovlluin. Nu čállá Vesterålens Avis.

 

 – Dat geasuha veahkkin turisttaid deike. Dat lea áibbas lunddolaš. Geahčes mat man olu “Ringenes Herre” lea mearkkašan Aotearoai.  Eurohpás eai báljo gávdno báikkit mearragáttiin mat leat oaidnit dego min guovllut dáppe. 

Nu dadjá Roy Odd Schøyen Vesterålen reiseliv mátkeealáhusfitnodagas dan aviisii.

 

Atnet olgoriikka mediaide

Son lohká filbmaturisma livččii gánnáhahtti, muhto de ferte bidjat dasa návccaid ja ekonomiija, ja lohká iežaset bidjat muhtin oasi návccaideaset riikkaidgaskasaš mediaide.

Guovllus ledje ođđajagis miessemánnui dán jagi 38.000 guossi, mii lea 26,8 proseantta lassáneapmi. Eanas leat duiskalaččat, muhto maiddái dánskalaččat ja kiinnálaččat leat lasihan loguid.

 

 – Turisttat háliidit vuotnagáttiide ja ráfálaš ja ráinnas áibmui. Ja de lea Norga vel ráfálaš riika. Dat leat maid váikkuhan lassáneapmái, dadjá son aviisii.

 

-Almmuhus-