– Dat ii leat doarvái buorre, oaivvilda dearvvašvuođaministtar Bent Høie (O) gearggusvuođa birra man Babcock lágida ambulánsagirdiid dáfus davvin.
– Mii eat leat duhtavaččat dálá dilálašvuođain. Mii leat dál gáibidan ahte ámbulánsagirdibálvalus raportere dán birra juohke beaivvi, dajai Høie Stuoradikkis gaskavahku.
Dál leat 14 pilohta gergosat Gardermoenis ja okta Romssas. Høie dieđihii ahte gearggusvuohta lea 90 proseanttas, ja lei čielggas ahte ii leat doarvái.
– Dál lea hástalus dál lea sihkkarastit doarvái buori pilohtagokčama stašuvnnain, dajai Høie.
Son dieđihii ahte boahtte vahkku rájes biddjojuvvo okta lassi girdi. Lea jáhkehahtti ahte das galgá leat stašuvdna Álttás.
