-Almmuhus-
VALÁŠTALLANHøgmo heaitá riikajoavkku hárjeheaddjin

Høgmo heaitá riikajoavkku hárjeheaddjin

-

-

Norgga spábbačiekčanlihttu duođašta ahte Per Mathias Høgmo lea geargan riikajoavkku hárjeheaddjin spábbačiekčamis.

– Per Mathias Høgmo ja NFF leat ovttaoaivilis ahte Høgmo heaitá riikajoavkku hárjeheaddjin, muitala Spábbačiekčanlihttu preassadieđáhusas.

Høgmo lea jođihan joavkku 35 čiekčamis maŋŋel go álggii 2013:s. Dan áigodagas leat vuoitán logi čiekčama, čieža dássálága čiekčan ja 18 geardde vuoittáhallan.

56-jahkásaš Høgmo lea ferten gierdat ollu cuiggodemiid dan rájes go vuoittáhalle Ungára vuostá EM-kvalifiserema loahppačiekčamis.

MM-kvalifiserenčiekčamis manai maid hejot go ožžo golbma čuoggá njealji čiekčamis, dušše San Marino vuostá vuite.

 

Bures dine

Høgmo bálkášiehtadus lea dagahan digaštallama. Sus lea njealji jagi šiehtadus man dagai 2013 čavčča NFF:in.

Spábbačiekčanlihttu duođašta ahte Høgmo oažžu bálkká boahtte jagi vel, jus ii biddjo sullasaš valáštallanvirgái boahtte jagis. Ollislaš bálká lea 3,7 miljovnna ruvnno mainna sosiála olggosgoluid gokčet.

Go jerrui manne Høgmo oažžu bálkká 2017 ovddas, de heaittihii NFF preassakonferánssa.

Riikajoavkku hárjeheaddji bálká lassánii ollu maŋŋel go Høgmo šattai hárjeheaddjin. (©NTB)

-Almmuhus-