-Almmuhus-
-Almmuhus-
-Almmuhus-
OĐĐASATHis­torjjálaš lassá­neapmi sisafárre­jeddjiid logus 

His­torjjálaš lassá­neapmi sisafárre­jeddjiid logus 

-

-

Loahpas 2022:s ásse Norggas 57 900 eanet sisafárrejeaddji go jagi dan ovdal. Badjel bealli dan logus leat ukrainalaččat. 

Dan muitalit ođđa logut maid Statistihkalaš guovddášdoaimmahat lea almmuhan.

Doaimmahagas registrerejit ahte sisafárrejeddjiid lohku lea leamaš 877 200 olbmo, mii vástida 16 prosentii Norgga álbmogis muđui. 

Diibmá orro 36 800 ukrainalačča Norggas, mii lea 30 300 eanet go jagi ovdal. 

– Dat lea stuorimus lassáneapmi sisafárrejeddjiin ovtta riikkas ovtta jagis dan ektui maid mii leat oaidnan ovdal, dadjá Statistihkalaš guovddášdoaimmahaga erenoamášráđđeaddi, Minja Tea Dzamarija. 

Goalmmát stuorimus 

Dat mielddisbuvttii dan ahte ukrainalaš olbmot šadde goalmmát stuorimus sisafárrejeaddjejoavkun Norggas. Polskalaččat leat ain stuorimus sisafárrejeaddjejoavku Norggas. 107 400 polskalačča ásse Norggas. Nubbi stuorimus joavku leat sisafárrejeaddjit Litauenis. Sii leat oktiibuot lea 42 500 sisafárrejeaddji. 

Jagi dassái ásse Norggas 6 500 ukrainalačča ja riikadásis sin joavku lea leamaš 34. sajis sisafárrejeddjiid gaskkas. 

Statistihkalaš guovddášdoaimmahaga logut muitalit ahte Ukraina sisafárrejeddjiid gaskkas lea stuorimus oassi nissonolbmot, 71 proseanta, ja 29 proseanta leat dievddoolbmot badjel 18 jagi. (©NTB)

-Almmuhus-