-Almmuhus-
-Almmuhus-
GUOIMMUHEAPMI - Hirpmástuvven go ledjen dien mađe čeahppi

– Hirpmástuvven go ledjen dien mađe čeahppi

-

-

Álggos leat golbma gažaldaga, jus daid máhtát, de manat viidáseappot gilvvus.

Namma: Ánne Márjá Guttorm Graven

Ahki: 33

Guovlu: Kárášjohka/ Lodek

Bargu: Jorgaleapmi

 

1. Guđe gávpogis lea ON-visti?

– New Yorkas. RIEKTA!

 

2. Gii lea čállán sámisoga lávlaga?

– Isak Saba, vástida Guttorm Graven

jođánit. RIEKTA!

 

3. Gii vuittii dán jagi Sámi Grand Prix lávlunoasi?

– Niko Buljo. RIEKTA!

 

Guttorm Graven máhtii visot golbma gažaldaga, ja son de oažžu liigegažaldagaid. Son sáhttá válljet ruoná liigegažaldaga mii addá 1 čuoggá, dahje válljet rukses gažaldaga mii addá 3 ­čuoggá.

Son válljii rukses liigegažaldaga ja mii jearrat dán:

 

1. Liigegažaldat. Guhte dán golmma riikkas lea stuorámus viidodaga ektui?

A: Suopma

Á: Ruoŧŧa

B: Norga

– Eh..Ruoŧŧa. RIEKTA!

 

2. Liigegažaldat. Mii lea onza?

A: Vilda bussá

Á: Njálla
B: Heasta

– Hearrásivdnit, diet dat gal lea

várra heasta.

 

Rievttes vástádus: Vilda bussá

 

Guttorm Graven máhtii visot golbma álgo gažaldaga, ja vel nuppi liigegažaldaga. Son beassá liikká válljet árvalusa mainna sáhttá fasket 5, 10, dahje 15 čuoggá. Dat lea dan duohken guđe ivnni vállje. Rukses árvalus lea váddáseamos ja das oažžu 15 čuoggá, alit árvalusas 10 čuoggá, ja ruonás fas 5 čuoggá.

Guttorm Graven vállje rukses ivnni vai fitne ollu čuoggáid, ja mii jearrat dán árvalusa:

 

Dieđát go manne Kiinnás eai daja “giitu biepmu ovddas”?

– Danin go dat eai hála sámegiela doppe. RIEKTA!

 

– Jeeii, dadjá Guttorm Graven iluin ja boagusta njálgát.

 

Galle čuoggá oktiibuot: 21 čuoggá

 

Juohke gilvaleaddji beassá hástalit ođđa gilvaleaddji Ávvira geassegilvui, ja Guttorm Graven háliida hástalit Anne Lene Turi Dimpasa ­searvat Ávvira geassegilvui.

 

Njunnošis Ávvira geassegilvvus dál: Ánne Márjá Guttorm Graven 21 čuoggáin.

-Almmuhus-