Biebmo- ja juhkamušhattit rivde mannan mánu.
SSB logut čájehit ahte biebmohattit ja hattit alkoholakeahtes juhkamušain njidje 0,6 proseanttain geassemánu. Diŋggat ja bálvalusat divro obbalaččat 0,3 proseanttain seamma áigodagas.
Dan čállá Virke preassadieđáhusas, ja Virke dállodoalu direktevra Ingvill Størksen lohká dan hirpmáhuhttin.
– Geassemánu lávejit dábálaččat biebmo- ja juhkamušhattit goargŋut. Maŋemus vihtta jagi lea lassáneapmi leamaš gaskamearalaččat 0,5 proseantta. Lea hirpmáhuhtii go hattit gáhčče 0,6 proseanttain, dadjá Størksen.
SSB dieđuid mielde šaddá haddeovdáneapmi alkoholakeahtes juhkamušain, go daiguin heaittihuvvo divadat suoidnemánu 1. beaivvi rájes.
