Ođđajagemánus dieđihedje 266 olbmo iežaset Sámedikki jienastuslohkui. Dat lea gávcce geardde eanet go 2013 ođđajagemánus, mii maid lei válgajahki.
Ođđajagemánus dieđihedje 266 olbmo iežaset Sámedikki jienastuslohkui. Dat lea gávcce geardde eanet go 2013 ođđajagemánus, mii maid lei válgajahki.
– Dat leat erenoamáš buorit logut, ja čájeha ahte Sámediggi boktá olbmuid beroštumi, lohká Sámepolitihkalaš ráđi jođiheaddji Inga Lill Sunset NRK:i.
Jáhkká dárogiel sártni leat sivvan
Go buohtastahttá 2013 loguid, de dieđihedje 31 olbmo Sámedikki jienastuslohkui. Sunset jáhkká sivvan leat go eambbogat dovdet iežaset sápmelažžan.
Sámedikki álggaheami rájes 1989:s leat buot ođđajagisártnit leamaš sámegillii, muhto dán jagáš sárdni lei dárogillii go sámediggepresideanta Vibeke Larsen sártnui. Sunset jáhkká ahte dárogiel sárdni lea eambbogiid ožžon dovdat iežaset sápmelažžan.
Jienastuslohkui beassat
Buohkat geat dieđihit ahte sii oidnet iežaset sápmelažžan sáhttet dieđihit iežaset Sámedikki jienastuslohkui. Ferte leat sámegiella ruovttugiellan, dahje váhnemat, áhkut, ádját dahje máttarváhnemat geain lei sámegiella ruovttugiellan vai beassá dieđihit iežas sámi jienastuslohkui.
Dasa lassin lea jienastuslohku rabas mánáide geain leat máttut geat leat leamaš jienastuslogus.
Jagi 2013:s ledje birrasii 15 000 olbmo sámi jienastuslogus. (©NTB)
