Neahttaapotehka hoavda dieđiha ahte son ádde olbmot háliidit sihkkarastit alcceseaset reseaptagálvvuid ja njálbmesujiid ođđa gáržžidemiid dihtii, muhto ii leat dárbu čohkket daid gálvvuid go sis lea doarvái vuorkkás.
Neahttaapotehka Farmasiet muitala ahte dalán go ráđđehusa gáržžideamit beakkehedje, de tiŋgogohte olbmot reseaptagálvvuid ja njálbmesujiid, erenoamážit Oslo gielddas.
– Mun háliidan jeđđet olbmuid ahte ii leat dárbu čohkkegoahtit njálbmesujiid ja reseaptagálvvuid. Mis lear miljovnna njálbmesuoji vuorkkás ja mis leat olu olbmot barggus. Olbmot eai dárbbaš ballat ahte eai oaččo daid dálkasiid maid dárbbašit, lohká apotehka beaivválaš jođiheaddji Hans Kristian Furuseth preassadieđáhusas.
Furuseth lohká ráđđehusa gáržžidemiid ja muhttašuvvan koronavirusa balu dagahit ahte olusat bissot ruovttus. Čilge dan lea su ealáhussuorgi oahppan áimmahuššat, nu ahte sii sáhttet dál buohkaid bálvalit.
