-Almmuhus-
-Almmuhus-
-Almmuhus-
OĐĐASATHirbmat bivvalis dálkkit árktalaš guovlluin

Hirbmat bivvalis dálkkit árktalaš guovlluin

-

-

Norgga ja Ruošša árktalaš guovlluin ii leat ovdal leamaš ná liehmu skábmamánus.

The Independent Barents Observer čállá ahte dálkedieđáhusat davimus guovlluin Ruoššas, Taymyr Peninsulas ja Karamearas čájehit 14 gráda bivvalit dálkki go dat mii lea dábálaš. Seamma dilli lea Laptev mearas ja Ođđa Sibirjámearas, muitala Meteonovosti.

 

Dálkeolahusat leat miehtá guovllu, ja Kheis sulluin, mii lea oassin Franz Josef báikkis, lei 1,5 lieggagráda skábmamánu 15. beaivvi. Dábálaččat láve guovllus gaskamearálaččat 17 buolašgráda.

 

Geassedálki Svalbárddas

Svalbárddas lea maŋemus 30 beaivvi leamaš gaskamearálaččat 2,2 lieggagráda, mii lea 10,7 gráda lieggasit go dábálaččat jahkeáigodagas, dieđiha Yr. Dieđut čájehit maid ahte maŋemus 12 mánu lea leamaš bivvalit go dábálaččat.

Golggotmánu 7. beaivvi lei 10,1 lieggagráda Longyearbyenis. Dat lea seamma bivval go báhkkaseamos beaivi dábálaččat lea Svalbárddas.

(Ášši joatká gova vuollelis)

 

Meteorologat dieđihat Twitteris ahte Romssas ii leat vel muohta man sáhttet mihtidit, ja dat lea manname olahusjagiid guvlui. Dán beaivvi 1974:s bođii vuosttaš muohta, ja 1944:s borggai skábmamánu 22. beaivvi.

-Almmuhus-