-Almmuhus-
-Almmuhus-
-Almmuhus-
SMÁVVAOĐĐASATHiphop-beakkálmas boahtá Finn­márkui

Hiphop-beakkálmas boahtá Finn­márkui

-

-

Norgga Hiphop-beakkálmas Jørgen «Joddski» Nordeng čuojaha konsearttaid Finnmárkku skuvllain. 

Jørgen «Joddski» Nordeng lea bargan musihkain badjel 20 jagi, ja son gullá Norgga vuosttaš hiphop-bulvii. Son lea almmuhan skearruid, čuojahan konsearttaid ja čállán lávlagiid sihke solo-artistan ja Tungtvann ráppajoavkkus.

Dál ožžot Finnmárkku skuvlaoahppit hiphop-beakkálmasa guossái. Son galleda oktiibuot gávcci skuvlla gos ovdanbuktá «Full sirkel» nammasaš konseartta. Dán bokte besset maiddái mánát ja nuorat oahpásmuvvat hiphop musihkkašládjii ja «Joddski» musihkkabargui. 

Scene Nord ossodat Romssa ja Finnmárkku kultuvrralaš skuvlaseahkka dat lágida konsearttaid. 

«Joddski» konseartaplána: 

Máze skuvla: golggotmánu 26. beaivvi, dii. 12:20.

Guovdageainnu skuvla: golggotmánu 27. beaivvi, dii 12:00.

Kárášjoga skuvla: golggotmánu 28. beaivvi, dii. 12:00.

Leavnnja kilo ja kultursála: golggotmánu 31. beaivvi, dii. 11:40.

Gilevuona kino ja kulturviessu: skábmamánu 1. beaivvi, dii. 11:30.

Donjevuona skuvla: skábmamánu 2. beaivvi, dii. 11:30.

Deanušalddi skuvla: skábmamánu 3. beaivvi, dii. 13:05.

Unjárgga Oahppogáldu: skábmamánu 4. beaivvi, dii. 11:30.

-Almmuhus-