Norgga čáhcádat- ja energiijadirektoráhtta lea Romsii dál dohkkehan golbma ođđa čáhcefápmorusttega, seammás lea hilgon golbma.
Norgga čáhcádat- ja energiijadirektoráhtta lea Romsii dál dohkkehan golbma ođđa čáhcefápmorusttega, seammás lea hilgon golbma.
Norgga čáhcádat- ja energiijadirektoráhtta (NVE) lea addán lobi buođđut Lávákkijoga, Náhkkejoga ja Suovvasjoga Romssa fylkkas.
Dát golbma čáhcefápmorusttega buvttadit oktiibuot elrávnnji 1250 vissui jahkái.
Direktoráhtta leat hilgon buođđut Lánjijoga, Smálkovákki ja Gaskavákkijoga. Dat livčče buvttadan liikká olu elrávnnji go dat golbma mat besset álggahuvvot.
Fápmorusttegat leat Báhccavuona ja Romssa suohkanis, Romssa fylkkas.
Obbalaččat meannudan
Ohcamušat leat meannuduvvon ovttas, vai obbalaš váikkuhusat vuhtii váldojit. Dan dieđiha direktoráhtta preassadieđáhusas.
Lánjijoga mearrádusas lea direktoráhtta deattuhan ahte jus buođđu sihke Lánjijoga ja Rastelva, de váikkuha báikkálaš astoáigge olggostallandoaimmaid.
Gaskavákkijoga ja Smálkovákki fápmorusttegiid leat hilgon go lea hehttehussan boazodollui.
– Dohkálaš buhtadus
Go leat meannudan Lávákkijoga, Náhkkejoga ja Suovvasjoga fápmorusttegiid ohcamušaid, de leat boazodoallu, sámi kulturmuittut ja biologalaš valljivuohta leamaš guovddáš áššit.
– NVE oaivvilda ahte dan golmma fápmorusttegii leat dohkálaš váidudeaddji doaimmat addon, čállet preassadieđáhusas.
Sii leat dohkkehan dan golbma fápmorusttega maid NVE oaivvilda unnimus váikkuhit álbmoga beroštumiid.
