-Almmuhus-
-Almmuhus-
OĐĐASATŠattaiga bassat politivistti

Šattaiga bassat politivistti

-

-

Biddjuiga bassat monnebálkuma dihte

Mannan ija vásihedje Hámmárfeastta politiijat muhtumat bálko moniid politivistti uksii. Maniid bálko biillas.

Politiját vulge geahččat ja vuhtte soames biilla gávpogis. Sii bissehedje dan.

Biillas ledje guokte albmá ja manit vel. Gánddaguovttos vuigiiga daguid ja oaččuiga earenomáš ráŋggáštusa. 

–  Geigiimet gievnni ja livsku sudnuide. Bijaimet bassat,  dadjá Operašuvdnajođiheaddji Tarjei Leinan Mathiesen Ávvirii. 

– Mii gohčodat dán njulgestaga nuoraiddahkun, ja oaivvildat dát lei buorre ráŋggášteapmi, muitala Leinan Mathiesen. 

–  Eat boađe váidit. Jáhkkimis eaba daga šat dákkár daguid, dadjá Leinan Mathiesen mojonjálmmiid. 

Gandaguovttos leigga vuollel 20 jagi.

-Almmuhus-