Skábmamánu 1. beaivvi rájes boahkuhit Norgga mánáid hepatitt B vuostá.
Skábmamánu 1. beaivvi rájes boahkuhit Norgga mánáid hepatitt B vuostá.
Geassemánus dieđihii Dearvvašvuođa- ja fuolahusdepartemeanta ahte mánáidboahkuhanprográmma viiddiduvvo.
Boahkuheapmi hepatitt B vuostá fállet mánáide geat riegádit maŋŋel skábmamánu 1. beaivvi dán jagi, dieđiha Dearvvašvuođainstituhtta.
Boahkuheamit eai lassán
Dál boahkuhit njuoratmánáid go leat golmma, viđa ja 12 mánnosačča.
Hepatitt B boahkuheapmi seaguhuvvo ovddeš kombinašuvdnacirgguheapmái, ja danin eai gárta mánát dávjjit fitnan dearvvašvuođastašuvnnas.
Eanaš riikkain leat boahkuhan
Norggas leat dássážii fállan hepatitt B boahkuheami dušše mánáide geat gullet risikojoavkkuide.
Eanaš eará riikkain gal leat boahkuhan mánáid hepatitt B vuostá.
Dearvvašvuođainstituhta ekspeartajoavku ávžžuhii 2008 maiddái Norgga čuovvolit eará riikkaid, čállá NTB.
