-Almmuhus-
-Almmuhus-
-Almmuhus-
OĐĐASATHenrik Kolstrøm - Sámiid álbmotlihtu 2. evttohas Gáiseguovllu válgabiirres

Henrik Kolstrøm – Sámiid álbmotlihtu 2. evttohas Gáiseguovllu válgabiirres

-

-

 

Válgabiire: Gáisi

Bellodat: Sámiid Álbmotlihttu

Namma: Henrik Kollstrøm

Ahki: 60

Siviiladilli: Náitalan

 

Beroštumit

 

Makkár astoáigedoaimmat leat dus?

– Ealgabivdu ja oaggun.

 

Mii lea dat stuorámus maid leat vásihan eallimis?

– Šaddat áhččin ja áddján.

 

Maid dagat go áiggut vuoiŋŋastit?

– Válddán mielde gáfegievnni ja oaggunstákku.

 

Gii lea du stuorámus ovdagovva ja manne?

– Ii leat oktage erenoamáš.

 

Bargu ja oahppu

 

Maid don barggat dál ja makkár barggut leat dus ovdal leamašan? Makkár oahppu lea dus?

 

– Oahppu Hesseng joatkkaskuvlla vuoktačuohppilinjjás ja oahpaheaddjeallaskuvllas Romssas. Dál barggan Deanu vuođđoskuvlla oahpaheaddjin. Lean ovdal bargan 19 jagi vuoktačuohppin, lean maid bargan krána- ja truckavuoddjin.

 

Eatnigiella/ giella

 

– Dárogiella.

 

Politihkalaš duogáš

 

Guđiid bellodagaid leat don ovddastan? Leat go leamašan sámediggeáirras?

 

– Sámiid Álbmotlihtus leamaš 2004 rájes.

 

Váibmoáššit

Makkár áššiide áiggut bidjat fokusa?

 

– Ii makkár ge erenoamáš, lean ovdal dadjan ahte sámegiella ferte geatnegahtton fágan šaddat vuođđoskuvllas.

 

Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?

Evttohas ii leat vástidan.

 

Čilge manne/ manne eai galggaše minerála- ja ruvkefitnodagat oažžut lobi ásahit ja álggahit doaimmaid sámi guovlluin?

 

– Ruvkedoaibma lea ortnegis jus buot bealit, guovllu fidnobargit boazodoalus ja guolástusas leat mielde konsultašuvnnain eai ge buvtte stuora nuoskkidemiid nu go ovdamearkka dihte mearravurken.

 

Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?

– Boazodoalus fertejit ain ealihahtti eavttut vai sáhttet doaimmahit sin ealáhusa guoddevaččat.

 

Eanandoallu, movt sáhttá Sámediggi dahkat sihkkarastin dihte ahte nuorat sáhttet joatkit ealáhusas/ álgiŧ ealáhussii?

Evttohus ii leat vástidan.

 

Mii lea dat stuorámus hástalus guolástusealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?

 

– Guolli gullá olbmuide geat ásset riddoguovlluin. Dásseárvu buohkaide. Vuovdinbággu gádderusttegiidda vai mii doalahit ásaheami ja bargosajiid lea dehálaš dat. Eriid ođđa ásahuvvon unnit fatnasiidda, váldit eriid ovdamearkka dihte Røkkes gii dajai ahte son áigu doalahit vuovdinbákku, dahje máhcahit eriid. Visot ođđa álggaheamit guollebiepmahagain fertejit giddejuvvon rusttegiidda dahje gádderusttegiidda.

 

Sámegielat, movt berre Sámediggi láhčit dili nu ahte nannejuvvojit čuovvovaš áigodagas?

 

– Sámegiella geatnegahtton fága vuođđoskuvllaide golmma davimus fylkkas. Buoret oahpponeavvut buot skuvllaide.

 

Makkár ođđa bargosajiid lea dehálaš vuoruhit čuovvovaš áigodagas?

Evttohus ii leat vástidan.

 

Guhte ášši lea čuohcan dutnje eanemusat ja manne?

Evttohus ii leat vástidan.

 

-Almmuhus-