Olmmoš lea roasmmehuvvan skohterlihkohisvuođas Ruoŧas. Norgga gádjunhelikopteriin vižže su buohccivissui.
Olmmoš lea roasmmehuvvan skohterlihkohisvuođas Ruoŧas. Norgga gádjunhelikopteriin vižže su buohccivissui.
Politiijat ožžo gaskabeaivve áigge dieđu ahte muhtun olmmoš galgá skohteriin vuodján heŋgo vulos, Ruoŧa bealde ráji. Sea-King gádjunhelikopter lei báikkis ovdal go diibmu lei gollan.
Leat viežžan ovtta olbmo Nordlándda buohccivissui Bådåddjui. Nordlándda politiijaguovlu ii sáhte muitalit roasmmehuvvan olbmo agi, sohkabeali dahje makkár riikii gullá.
– Son lei Ruoŧa bealde ráji. Dálkki dihte eai beassan Ruoŧa gádjunhelikopterat báikái. Mii girddiimet báikái ja gájuimet olbmo, lohká Nordlándda politiijaguovllu operašuvdnajođiheaddji Tor Ove Hammer NTBii.
– Sus ledje galbmon juolggit. Eat sáhte lohkat lei go eará ládje lápmašuvvan, lohká Hammer.
(©NTB)
