Son lea nubbi nissonolmmoš guhte virgáibiddjo jođiheaddjin dán ráđis.
Finnmárkku politihkkár ja Deanu sátnejođiheaddji Helga Pedersen galgá jođihit kulturskuvlaráđi vuosttaš váldostivrra, stivrra mii dál buhtada ovddeš stivrenorgánaid guovddášstivrra ja riikkastivrra.
– Giittos eatnat luohttámušas. Mun illudan issorasat bargagoahtit buohkaiguin kulturskuvla-áššis, dadjá Helga Pedersen videodearvvuođas riikadiggái.
Son rámida kulturskuvlaráđi:
– Kulturskuvlaráđi áŋgiruššama haga ii livčče kulturskuvllas leamaš dat sajádat mii dál lea, nanus, fágalaš, máhtto- ja dutkanvuođđuduvvon vuođuin. Dat lea maid juoga mii mu mielas dagaha hui gelddolažžan beassat bargat kulturskuvlaráđi ovddas, dadjá Helga Pedersen Norgga Kulturskuvlaráđi preassadieđáhusas.
– Mun dieđan ahte lea vuordámuš munnje doalahit stivrenleahtu ja veahkehit ahte kulturskuvlaráđđi maid ain gullo mearrádusváldin, báikkálaččat ja dieđusge nationálalaččat maid. Juoga maid mun duođai árvvus anán kulturskuvlaráđi jurddahanmálles lea nákca jurddašit ođđa vuogi ja ovdánahttima birra, dadjá Helga Pedersen Norgga Kulturskuvlaráđi preassadieđáhusas.
Su ovdamanni lea Nils R. Sandal, Gloppenis eret, Sogn ja Fjordanes. Son lei jođiheaddji 12 jagi.
Pedersen lea nubbi nissonolmmoš guhte virgáibiddjo jođiheaddjin.
