-Almmuhus-
OĐĐASATHeargegilvvut skábmamánus

Heargegilvvut skábmamánus

-

-

Vorkuta nammasaš báikkis mii lea Ruoššas lágidedje heargegilvvuid moadde beaivvi dassái.

15 gearddi go Vorkuta báikkis Komi Republihkas Ruoššas lágidedje heargegilvvuid main lea namma Davvi riemut dahje Boazodoalli beaivi, dieđiha KomiInform.

Dán jagi gilvvuide serve 34 gilvvohalli. 15 boazodoalli ovddastedje boazodoallofitnodaga “Olenevod”, eará joavku ovddastii “Krasnij Oktjabr” nammasaš boazodoallofitnodaga Nenetsa Autonoma Guovllus. Gilvuide maiddái serve golbma nissonolbmo.

Gilvvuid vuoiti Maksim Terentjev Vorkuta báikkis eret ožžui muohtaskohtera.

Govven: KomiInform

-Almmuhus-