-Almmuhus-
-Almmuhus-
-Almmuhus-
OĐĐASAT– Healkkehin go nie vástidedje

– Healkkehin go nie vástidedje

-

-

NOKUT biehttalii sunnje sáddet jearahallanskovi sámegillii. Ággan lei ahte menddo unnán olbmot sámástit.

Beatrice Fløystad (33) lea nuorra márkosámenissu guhte ovddit jagi lei álgán vuođđoskuvlaoahpaheaddjeohppui Sámi allaskuvllas. Oahpu oktavuođas lei ožžon «Studiebarometer 2015» jearahallanskovi NOKUT nammasaš ásahusas. Studiebarometer lea našuvnnalaš oahpokvalitehta studeantaiskkadeapmi. NOKUT lea ásahus mii bargá alitoahpahusa ja fágaskuvlaoahpu gelbbolašvuođa loktemiin Norgga servodagas. Skovi lei vejolaš deavdit dáro-, ođđadáro-, ja eŋgelasgillii, muhto ii sámegillii.

 

Sámeláhka

Láhka geassemánu 12. b. 1987 nr. 56: Sámedikki ja eará sámi vuoigatvuođaid birra (sámeláhka)

 

§  1-5. Sámegiella
Sámegiella ja dárogiella leat ovttaárvosaš gielat. Dat galget leat dássálagaid 3. kapihttala mearrádusaid mielde.

Lasihuvvon lága bokte juovlamánu 21. b. 1990 nr. 78.

 

Gáldu: https://www.regjeringen.no

– Dá lea mu vuoigatvuohta!

Ná vástida Beatrice Fløystad Ávvira jearaldahkii manne sutnje lea dehálaš oažžut dán skovi sámegillii.

– Lea deaŧalaš oažžut dán sámegillii dan dihte go háliidan geavahit giela mii munnje lea divrras. Go dieđán ahte lea mu vuoigatvuohta sámástit stáhta gulahallamiin, de dieđusge geavahan dan vuoigatvuođa, čilge Fløystad. Alcces lohká son mearkkašit ollu jus earát maid oidnet ja atnet árvvus su giela.

Beatrice lea nuorra márkosámenisu gii golbma jagi dassái oahppagođii davvisámegiela. Son lohká mánnávuođa rájes leamaš sámegiela su nubbigiellan.

 

Unna joavku

Studeanta lei váldán oktavuođa NOKUT:in ja jearran manne dilli lea nu ahte ii leat skovvi sámegillii masa oaččui vástádusa ásahussas ahte eai leat návccat dahkat dan skovi sámegillii. Ákkastallet maiddái dainna ahte dat skovvi manná 60 000 studentii miehtá riikka ja sámegielagat lea unna jovkkoš.

Go ožžon dan vástádusa, de healkkihin. Mo son sáhttá čuoččuhit ahte lea hárve ahte olmmoš gáibida jearahallaniskkadeami sámegillii? jearrá Beatrice.

Ávvir válddii maiddái odne oktavuođa NOKUT:in telefovnna bokte, muhto eai sáhte vástidit jearaldagaide telefovnna bokte, ja danin lohpidedje vástidit jearaldagaid čálalaččat. Dan botta go dát artihkal lei čállimis, de NOKUT:is eai boahtán makkárge vástádusat. Ieš Beatrice Fløystad lohká son čállá fas NOKUT:i sámegillii oaidnin dihtii mo dat vástidit doppe.

 

Ávžžuha sámástit almmolašvuođas

Fløystad mielas sápmelaččat galget sámástit almmolašvuođas vai dilli soaitá rievdat.

– Ii lea imaš jus olbmot eai gáibit sámegiel fálaldagaid jus ožžot diekkár vástádusaid. Jus ášši lea nu ahte sápmelaččat eai dovdda iežaset vuoigatvuođaid, de ferte daid muittuhit. Juohke sápmelaš gii sámásta berre váldit oktavuođa stáhta orgánain sámegillii, ávžžuha studeanta.

 

Imaštallá

Fløystad imaštallá manne skovi ii leat vejolaš deavdit sámegillii.

– In riekta ipmir mii lea nu váttis go jearahallanskovvi han lea digitála hámis, imaštallá Beatrice Fløystad.

 

 

 

 

 

 

 

 

 

 

 

 

 

 

 

 

 

 

 

 

-Almmuhus-