-Almmuhus-
SMÁVVAOĐĐASATHeajos oame­dovdu go bálkestit biepmu juovllaid áigge

Heajos oame­dovdu go bálkestit biepmu juovllaid áigge

-

-

Juovllaid áigge olbmot gávppašit, ráhkadit ja gáhkkejit eambbo go muđui. Olu dáin biepmuin gártet ruskalihttái loahpas.

Guorahallan, man Norstat lea dahkan Opplysningskontoret for Meieriprodukter ovddas, čájeha ahtet 43 proseantta álbmogis lea heajos oamedovdu, go juovllaid áigge bálkestit eambbo biepmu go dábálaččat.

Melk.no biepmoráđđeaddi, Terese Glemminge Arnesen, muitala preassadieđáhusas ahte ágga sáhttá leat go olmmoš oastá maid olu eambbo biepmu go dábálaččat, iige dieđe maid galgá bargat bázahusaiguin.

– Juovlamánus gánnáha plánet eambbo, ovdal go fitná buvddas. Olbmuin leat stuorát doalut ja eambbo guossit go dábálaččat, ja leage váttis diehtit juste man olu galgá oastit. Olbmot maid gáhkkejit eambbo go dan maid nagodit borrat, ja gáhkkenávdnasat báhcet maid olmmoš ii geavat muđui jagis, čilge Glemminge Arnesen.

Ii seastit

Glemminge Arnesen muitala ahte lea olbmo luonddus jo ahte ii galgga seastit maidege juovlaávvudeapmái, ja olusat eai máhte rehkenastit olu biebmu rievtti mielde manná ja adno.

– Sáhttá leat buorre bures plánet borramiid, ja borramuša juohke olbmo mielde, ja plánet mo geavahit bázahusaid eará biepmuide. Ovdamearkka dihte sáhttá geavahit bázahusaid suohkadis maid ráhkadii beaivvi ovdal juovlaruohta, ráhkadit risenlávcca juovlaruohta, muitala son.

Ná sáhtát bálkestit unnit biepmu:

Pláne bures: Pláne maid borat juohke beaivvi, ja oastte juste man olu dárbbašat bierggus, guolis, ruotnasiin ja eará diŋggain.

Gurre galmmihanskábe: Gávppašit stuorrát sáhttá leat buorre, muhto spaggadievvá galmmihanskábe dahká ahte eat oainne mii doppe lea ja oastit eambbo. Gurre galmmihanskábe ja geahča mii doppe lea, ovdal go vuolggát buvdii.

Dovdda: Máistte, sustil ja geahča biepmu, ovdal go bálkestat. Olu biebmu lea ain borahahtti, vaikke dáhton čájeha eará beaivvi.

Rája biepmuid riekta: Bázahusat riibet guhkit, jus daid galmmiha jođánit ja rádjá daid albmaládje.

Bora bázahusaid: Spiinnebierggu, sávzzabierggu ja guoli sáhttá guossohit galmmasnaga ja «suorbmabiebmun» nuppe beaivvi.

-Almmuhus-