Dál, go miehtá Romssa ja Finnmárkku leat ollu heajos dálkkit, de jovgojit čuovggat ja dat dagaha váttisin oaidnit biillaid johtolagas.
Politiijat ávžžuhit olbmuid bidjat ala maŋŋečuovggaid go vudjet heajos dálkkis, dasa lassin ávžžuhit maid atnit mierkámaŋŋečuovggaid jus lea heajos oainnádat.
– Finnmárkkus leat ollu dálkkit dáid beivviid, ja ollu ođđa biillain eai boađe maŋŋečuovggat ala automáhtalaččat. Heajos dálkkis lea dehálaš daid bidjat ala. Berre maid árvvoštallat lea go dárbu atnit mierkámaŋŋečuovggaid jus lea heajos oainnádat, čállet politiijat Twitteris.
