-Almmuhus-
-Almmuhus-
-Almmuhus-
SMÁVVAOĐĐASATHeaitti­hit «Smitte­stopp» áppa

Heaitti­hit «Smitte­stopp» áppa

-

-

Odne, borgemánu 10. beaivvi, heaittihit FHI «Smittestopp» áppa, ja buot geavaheaddjit sáhttet sihkkut áppa.

«Smittestopp» almmuhuvvui 2020 juovlamánus. Áppa leat badjelaš 1.3 miljovnna olbmo viežžan iežaset mátketelefovdnii. Go ii šat gáibiduvvon dieđihit lagasoktavuođaide, iige dárbbašan iskkahit iežas, de ávžžuhii FHI jáddadit áppa. Ávžžuhedje dattege geavaheddjiid diktit áppa leat mátketelefovnnas, vai jođánit beassá bidjat johtui fas jus dasa lei dárbu.

– Mii heaittihit áppa dan dihte go dál ii gáibiduvvo iskkadeapmi ja njoammunguorahallan šat. Lea dehálaš seastit gokko sáhttá, ja mii heaittihit áppa mii ii leat šat anus, muitala FHI sadjásaš direktevra, Gun Peggy Knudsen, preassadieđáhusas.

Borgemánu 10. beaivvi rájes ii leat «Smittestopp» šat gávdnamis App Stores dahje Google Plays. Buot geavaheaddjit sáhttet sihkkut áppa iežaset mátketelefovnnas.

– Iskkadeapmi man leat váldán čájeha ahte  «Smittestopp» áppa duođaštii measta buot lagasoktavuođaid, sus geasa lei njommon Covid-19, nu guhká go nubbi maid lea geavahan áppa, loahpaha Knudsen.

-Almmuhus-