Norgga ráđđehus lea mearridan heaittihit stuora militearahárjehusa eastadan dihte koronadávdda leavvama.
«Joint Viking» hárjehus livččii galgán álgit guovvamánus Sis-Romssas. Lei plána ahte Amerihká, Stuora-Británnia, Nederlándda ja Duiskka soalddáhat galge oasálastit, oktiibuot 3.400 olbmo.
2.900 soalddáha leat juo joavdan Sis-Romsii hárjehallat. Muhto dál sii sáddejuvvojit ruoktot. Sii hárjehallet unna jovkkožiin koronanjuolggadusaid dihte ovdal go vulget.
– Mii leat mearridan heaittihit hárjehallama Sis-Romssas vai eastadit muhttašuvvan koronavirus variántta njoammuma, dadjá suodjalusministtar Frank Bakke-Jensen (H).
Suodjalus leat maid mearridan gáržžidit mátkkiid Lulli-Norgii ja Hærens soalddáhat eai oaččo virgelobi justa dál.
NTB
