-Almmuhus-
-Almmuhus-
-Almmuhus-
OĐĐASATHeaittihit jahkái johtolatpolitiijaid Romssas ja Finnmárkkus

Heaittihit jahkái johtolatpolitiijaid Romssas ja Finnmárkkus

-

-

Romssas ja Finnmárkkus heaittihit johtolatpolitiijaid jahkái go geahččalanprošeakta lea jođus. Dan botta sirdojuvvo johtolatovddasvástádus politiijaguovlluide. 

Dat lea Politiijadirektoráhtta mii lea addán johtolatpolitiijaide dieđu álggahit geahččalanortnega, čállá politiforum. Johtolatpolitiijaid doaibma heaittihuvvo Romssas ja Finnmárkkus, johtolatpolitiijaid hoavda, Steven Hasseldal, eahpida ahte lea buorre ordnet. 

– Mii eat leat sávvan dán, muhto mii čuovvulit oskkáldasat dan. Dá lea sávaldat máid Romssa ja Finnmárkku politiijameaštárat leat sávvan ja máid Politiijadirektoráhtta lea mearridan ahte mii galgat geahččalit. Ágga manne mii eat hálit dán, lea ahte mii ballat ahte johtolat dárkkisteamis šaddá unnit aktivitehta, mii sáhttá váikkuhit johtolat sihkarvuhtii. Mii ballat ahte johtolatdárkkisteamit unnot ovddasguvlui, dadjá Hasseldal. 

Politiijadirektoráhtta sávvá dáinna ortnegiin nannet gearggusvuođa politiijaguovlluin. 

– Ulbmil lea iskkat lea go dáinna vugiin vejolaš nannet gearggusvuođa ortnega doaresbeal guovlluin, nu ahte ii čuoza johtolat dárkkisteapmái, čállá Politiijadirektoráhtta. 

(©NTB)

-Almmuhus-