Ášši mii gieskat beakkehii gánddaža birra gii galggai leat nuolahuvvon ja heŋgejuvvon vulos oivviid skuvllas Álttás, ii leat nu duođalaš go álggos jáhkke. Dan cealká Álttá suohkan raporttas man dál sáddejit fylkkamánnii.
Ášši mii gieskat beakkehii gánddaža birra gii galggai leat nuolahuvvon ja heŋgejuvvon vulos oivviid skuvllas Álttás, ii leat nu duođalaš go álggos jáhkke. Dan cealká Álttá suohkan raporttas man dál sáddejit fylkkamánnii.
– Dáhpáhus lea dohkketmeahttun, muhto ii nu duođalaš go álggos orui, lohká ráđđealmmái Bjørn Atle Hansen NRK:ii.
– Jáhkiiga gártat giddagassii
Gánddaža áhči facebook-čálus golggotmánu 25. beaivvi dagahii ahte ášši beakkehii miehtá riikka. SMS-bokte man suohkan lei sádden, beasai áhččeolmmoš gullat ahte su gánda lei nuolahuvvon ja julggiid duohken heŋgejuvvon skuvlašilljus.
Ášši birra sáddejuvvui fuolastuvvandiehtu mánáidsuodjalussii ja váidui maiddái politiijaide.
Guokte boarrásat gándda steampalastuiga veahkaválddálažžan ja ovtta gaskka jáhkiiga gánddaguovttos ahte gártaba giddagassii, čállá NRK.
– Doarvái ráŋggáštus
Mánáid beroštumiid geažil ii sáhte ráđđealmmái muitalit ahte mii dat dagahii ahte nie dáhpáhuvai skuvlašilljus.
– Midjiide lea leamaš deháleamos fuolahit sin geaidda ášši lea guoskan. Ii leat ságas ge ráŋggáštit gean ge moktege. Dás lea sáhka vuollaahkásaččaiguin ja dat fuomášupmi maid ášši lea ožžon, lea doarvái ráŋggáštus, lohká Hansen.
