Finnmárkku fylkkagielda skeŋke nuvttákonseartta finnmárkulaččaide.
Juovlamánu 10. beaivvi čuojaha ISÁK joavku Čáhcesullos, go 2020:s loahpahuvvo Finnmárkku fylkkagielda ja fylkkasátnejođiheaddji skeŋke nuvttákonseartta finnmárkulaččaide.
Konsearta streamejuvvo, joatkkaskvulla ja logát ceahki oahppit ožžot vuosttamužžan bileahttafálaldaga.
– Jus báhcet bileahtat, de fallojit dat ássiide, dadjá Finnmárkku fylkkagielda gulhallanhoavdda Trond Magne Henriksen preassadieđáhusa bokte.
Finnmárkku fylkadikkis lea maŋemuš čoahkkin juovlamánu 11. beaivvi, eahkeda ovdal de lágiduvvojit doalut, gosa leat bovden gussiid.
