Politiijat leat ikte eahkes heaitán ohcamis 66-jahkásaš Eilif Salangi, gii lea leamaš jávkosis mánnodat iđida rájes.
Politiijat leat ikte eahkes heaitán ohcamis 66-jahkásaš Eilif Salangi, gii lea leamaš jávkosis mánnodat iđida rájes.
Nuorta-Finnmárkku politiijaid operašunjođiheaddji Lars Rune Hagen muitala Ávvirii ahte sii leat gaskavahku eahkeda heaittihan almmolaš ohcanveaga barggu.
– Bargoveahka man politiijat leat lágidan, heite ohcamis ikte gaskavahku diibmu beal ovccis eahkes, muitala Hagen.
De sii leat ohcan mánnodaga rájes, muhto eai leat gávdnan dievddu.
Stuora ohcanveahka
Eilif Salangi Buođggáidnjárggas Mátta-Várjjagis ii leat leamaš ruovttustis mánnodat iđida rájes, go su bearaš dieđihii su jávkan.
Sihke politiijat, buollinčáskadanveahka, Rukses ruossa, Siviilasuodjalus, Riddofákta ja eaktodáhtolaš olbmot leat ohcan dál dievddu. Politiijat leat bivdán fanaseaiggádiid ja viessoeaiggádiid iskat leat go fatnasat sajis ja leago dievdu lagas birrasis. Buokčit ja gádjunhelikopter leat maid ohcan su.
Syversena eai jáhke politiijat mannat viidát, go ii leat áibbas buorre dearvvašvuohta.
Politiija ii diehtán muitalit leat go eaktodáhtolaš olbmot ain ohcame su.
