Sámi dearvvašvuođafierpmádat lágida digitála kurssa mot veahkeha olbmuid geain leat psyhkalaš váttut.
Kursa lágiduvvo digitálalaččat vuosttažettiin sámiide geat leat čearromiellahtut, muhto maiddái earáide geain lea beroštupmi. Go leat čađahan kurssa, de sáhtát addit heahteveahki olbmuide geain leat psyhkalaš váttut dassá go ámmátolbmot dikšugohtet sin.
– Kursa lea 12 diibmosaš kursa gos oahpat dábaleamos psyhkalaš váttuid birra, mot váldá oktavuođa ja veahkeha olbmuid rievttes ládje, nu dieđiha Sámi dearvvašvuođafierpmádat. Kurssa bagadallit leat Anna Samuelsson, Viveka Nutti ja Åsa Skum.
Kursa lea ovttasbargu gaskal Sámiid riikasearvvi, Ruoŧa beale Sámedikki ja Sámi dearvvašvuođafierpmadaga.
