Norggas leat olu heahte- ja bahkadasdoavtterguovddážat váldán atnui videorávdnjema vai besset gulahallat kámera bokte olbmuiguin geat lea heađis.
Dál sáhttet olbmot geat riŋgejit heahtenummiriidda addit heahteguovddáža bargái lobi gulahallat mátketelefovnna kámera bokte.
– Heahteguovddáža bargiide leamaš video veahkkin jus eai riekta ádde mii dáhpáhuvvá báikkis gos riŋgejit heađis. Dát leamaš njulgestaga mielde beastimin olbmuid heakka, lohká Dearvvašvuođadirektoráhta heahtemedisiinna ja gearggusvuođa ossodatdirektevra Steinar Olsen.
Dássážii leat čađahuvvon badjel 100 000 videorávdnjema heahteguovddážiidda. Dán čovdosa lea Stiftelsen Norsk Luftambulanse ráhkadan ovttas Dearvvašvuođadirektoráhtain. (©NTB)
