– NAV lea heaitán sáddemis oadjodieđuid poastta mielde penšunisttaide. Olbmot bággejuvvojit lohkat dan dieđáhusa digitála hámis, muitala Finnmárkku penšunistasearvi.
– NAV lea heaitán sáddemis oadjodieđuid poastta mielde penšunisttaide. Olbmot bággejuvvojit lohkat dan dieđáhusa digitála hámis, muitala Finnmárkku penšunistasearvi.
Finnmárkku penšunistasearvvi jahkečoahkkin oaidná dehálažžan ahte Penšunistasearvi bargá dál oažžut NAV sáddet «bálkábáhpiriid» báberhámis go oaju mákset.
– Ii buohkain leat dakkár vejolašvuohta, eai ge nagot geavahit dihtora iešguđet sivaid geažil. Dál leat ollu penšunistat miehtá riikka geat leat heađásnuvvan, muitala Finnmárkku penšunistasearvvi jođiheaddji Jan Atle Samuelsen.
Penšunisttat akšunerejit
Čielga diehtu Penšunistasearvvis NAV:i ahte ferte oadjodieđuid sáddet báberhámis sidjiide geat dan háliidit.
– Buohkain galgá riekti gáibidit iežaset ruhtadili čuovvut. Danne lea árvvoheapme go penšunisttat, geain ii leat neahtta, dahje eai máhte neahta bokte gávdnat dieđuid, galget massit dakkár vejolašvuođa, dieđiha Samuelsen.
Penšunistasearvvis lea dál akšuvdna oažžut NAV jorggihit dán áššis.
