-Almmuhus-
OĐĐASATHavarikommišuvdna lea geargan lihkohisvuođabáikkis

Havarikommišuvdna lea geargan lihkohisvuođabáikkis

-

-

Mánnodateahkeda loahpahii Stáda havarikommišuvdna barggu gos helikopterlihkuhisvuohta lei Šuovošluovttas Álttás.  

Dan muitala Áltá lensmánni Øyvind Lorentzen VG aviisii. 

Politiijat leat čoaggán dieđuid ja disdaga galget hupmat vihttaniiguin. 

– Dáid beivviid áigut mii geahččat visot dieđuid maid leat gávdnan, teknihkalaš fuomašumiin ja maid vihttanat muitalit, dadjá Lorenzen. 

Ollu vihttanat leat dieđihan iežaset muitalit dáhpáhusa birra politiijaide. Politiijat leat earret eará ožžon Snap-Chat filmma mii filbmejuvvui minuhtaid ovdal go helikopter gahčai. 

 – Helikoptera mohtora, giiraboksá, maŋŋegeaži ja eará komponeanttaid váldet mielde havarikommišuvnna kantuvrii Kjellerii Lillestrømii, dajai Stáda havarikomišuvnna Kåre Halvorsen NTB:i mánnodateahket. 

-Almmuhus-