Suoidnemánu 3. beaivvi gildojuvvojit háválasgálvvut, dahje gálvvut maid oktii geavahat ja bálkestat, Norggas. – Olahus birrasii, merrii ja buohkaide midjiide, dadjá WWF máilmmi luonddufoanda.
2017 rájes lea WWF viggan oažžut sadjái gildosa.
– Suoidnemánu 3. beaivi lea mearkabeaivi buot buriid fámuide geat barget plastihkkanuoskkideami vuostá, dadjá WWF generálačálli Karoline Aundar preassadieđáhusas.
Dat mearkkaša ahte earret eará boradanneavvut, tallearkkat, njammanbohcci ja bupmolsákkit plastihkas gildojuvvojit. Maiddái borramušlihtit ja juhkankohpat isoporas gildojuvvojit.
