Odne álgá áŋggirdeapmi «Finnmárkulaččat vázzet fárrolaga».
Finnmárkku olggustallanráđđi álggaha njukčamánu 10. beaivvi vázzináŋggirdeami «Finnmark GÅR sammen» dahje «Finnmárkulaččat vázzet fárrolága».
Sii geat oassálastet vázzináŋggirdeapmái galget registreret buot mátkkiid maid čađahit vácci, čuoigga, rabehiiguin, spárkkain dahje sihkkelin. Registreren dáhpáhuvvá perletur.no neahttasiiddus.
Buohkat geat dieđihit iežaset mielde ovdal cuoŋománu 1. beaivvi leat mielde vuoittuid vuorbádeamis mánnosaččat olggos dán jagi.
