-Almmuhus-
-Almmuhus-
-Almmuhus-
Beassážat 2022Hástala boahtit oaggun­gilvui Geassá­jávrái 

Hástala boahtit oaggun­gilvui Geassá­jávrái 

-

-

Lágideaddjit vurdet máŋgačuođi olbmo oaggungivlui Geassájávrái Detnui guhkesbearjadaga.  

Deanu ATV- ja skohtersearvi dat lágida gilvvuid Geassájávrris mii lea birrasiid 2 miilla eret biilaluottas. Searvvi jođiheaddji Ståle Henriksen lohká lunddolažžan ahte dohko vuodjá skohteriin. Son vuordá lagabui 500 olbmo boahtit, seamma olu go lávejit boahtit Liŋkonjávrri oaggungilvui mii láve miessemánu vuosttaš beaivvi birrasiid. 

– Dušše min searvvis leat vihttačuođi miellahttu, nu ahte jáhkkimis bohte máŋga čuođi olbmo. Dienas mii boahtá min doaimmain, manná min bargui doalahit skohter- ja bievlavuodjinláhtuid ortnegis. Danne mis leat ge duohta fiinna skohterláhtut Deanus dán jagi, dadjá Henriksen ja lasiha Geassájávrái mannet njeallje skohterláhtu.

Oaggungilvvus lea sis guhtta mehtera guhko gálvojorri váldovuoitun, masa čáhká skohter oktan reagain . Muđui lea tealtá mas lea gássaomman ja eará vuoittut. Stuorámus guolis sáhttá maid vuoitit buori vuoittu. Deanus ii galgga beassážiid áigge lágiduvvon oaggungilvu ovdal. 

– Sávvat buohkaide bures boahtima. Mun ávžžuhan olbmuid geahččalit skohterláhtuid, go dat leat hirbmat buorit mis Deanus, dadjá Henriksen. 

-Almmuhus-