NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
Válgabiire: Nuortaguovllu válgabiire
Bellodat: Sámedemokráhtat ja Šiella
Namma: Hartvik Hansen
Ahki: 67
Siviiladilli: Ovttasássi, guokte máná, okta áddjut
Eatnigiella/ giella: – Sámegiella eatnigiella. Hálddašan sihke sámegiela ja dárogiela.
Beroštumit:
Makkár astoáigedoaimmat leat dus?
– Leat luonddus, duoddaris, johkagáttis ja váris.
Mii lea dat stuorámus maid leat vásihan eallimis?
– Oažžut mánáid ja áddjuba.
Maid dagat go áiggut vuoiŋŋastit?
– Geahčan gelddolaš spábbačiekčama.
Gii lea du stuorámus ovdagovva ja manne?
– Eai leat stuora ovdagovat. Buohkat leat ovttaárvosačča ja in liiko badjelmeari beakkánstallamiidda.
Bargu ja oahppu
Maid don barggat dál ja makkár barggut leat dus ovdal leamašan? Makkár oahppu lea dus?
– Sámi/dáru giellakonsuleanta/dulka. Oahpaheaddjioahppu ja vuodjinskuvllaoahpaheaddji. Sámegiella vuođđofága ja eambbo vel.
Politihkalaš duogáš
Makkár bellodagaid leat don ovddastan? Leatgo leamašan sámediggeáirras?
– 1976 rájes leamaš politihkas. Sámedikkeáirras Sámedemokráhtaid ovddas 1993-97 ja Árjja ovddas 2013-17.
Váibmoáššit
Makkár áššiide áiggut bidjat fokusa?
– Sámegillii, meahcásteapmái ja ealáhusaide.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
– Davviriikkalaš sámekonvenšuvdna, duohtavuođa- ja seanadankommišuvdna.
Čilge manne/ manne eai galggašii minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Dat ferte čielggaduvvut juohke ovttaskas áššis.
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
– Dat ii doaimma optimalalaččat, ceavzilis boazodoallu lea mihttu.
Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit/ álgit ealáhusain?
– Jua, SápmiAgri bokte.
Mii lea dat stuorámus hástalus guolástanealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?
– Ásahit Smith-lávdegotti árvalusevttohusa ja dovddastit riddoguolásteddjiid vuoigatvuođaid.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Doarjut Váibmogiella 18:2016 NÁČ. Eanet ruđalaš doarjaga stáhtas ollašuhttit dan.
Makkár ođđa bargosajiid lea dehálaš vuoruhit čuovvovaš áigodagas?
– Buot bargosajiid lea dehálaš bisuhit ja fertejit ođđa maid ásahuvvot.
Guhte ášši lea čuohcan dutnje eanemusat ja manne?
– Go Norgga stáhta ja Suoma republihkka rihkkuba riikkaidgaskasaš álbmotriektenjuolggadusaid Deanosoahpamušas ja go Norga rihkku aitto reviderejuvvon Deanolága. Dát lea suorggahahtti dahkku guovtti davviriikkas, geat čuoččuhit iežaset leat njunnošis demokratiija váimmus.