-Almmuhus-
-Almmuhus-
OĐĐASAT Hárjehallet movt galgá jus olju golgá Guovdageainetnui

Hárjehallet movt galgá jus olju golgá Guovdageainetnui

-

-

Guovdageainnu buollinčáskadeaddjit ja gielddaidgaskasaš lávdegoddi fáhkka nuoskkideamis lágidit stuora hárjehallama Guovdageainnus gaskavahkku diibmu ovcci rájes.

Guovdageainnu buollinčáskadeaddjit ja gielddaidgaskasaš lávdegoddi fáhkka nuoskkideamis hárjehallet maid galget dahkat jus muhtin guorbmebiila, mas lea 4000 littara olju, gopmána Suohpatjohkii ja olju golgagoahtá johkii.

Suohpatjohka golgá Guovdageainnu etnui, mas váldet márkanbáikki juhkančázi, ja sáhttá čuohcat váldočázi sisaváldima, čáhci mii manná 2000 olbmui suohkanis.

Hárjehallanbáiki lea njeallje kilomehtera eret dan báikkis gos márkana juhkančázi vižžet Sarasullo bokte.

 

Vuoje várrogasat

Oarje-Finnmárkku politiijaguovlu ávžžuha olbmuid vuodjit várrogasat riikageainnu 93 alde lulageahčen Guovdageainnu márkanbáikki. Biilavuoddjit fertejit čuovvut dárkilit mielde ja čuovvut šilttaid ja čujuhusaid maid ožžot báikkis, čállá Oarje-Finnmárkku politiijaguovlu Twitteris.

- Advertisement -
-Almmuhus-