Bávkaleapmi atomajođihuvvon mátkeskiippas Davvi-Norggas billista reáktoriid ja vahágahttá olu bargiid. Dat lea duogáš Norgga stuorámus atomahárjehallamiidda.
Hárjehallama Arctic REIHN (Radiation Exercise in the High North) lágidit Servodatsihkarvuođa- ja gearggusvuođadirektoráhtta (DSB), Riddodoammahat, Suonjar- ja atomasihkarvuođadirektoráhtta (DSA) ja Davvi-Norgga Váldogádjunguovddáš (HRS) ja dat lágiduvvo Bådådjos miessemánu 9. – 11. beivviid.
– Atomajođihuvvon fatnasiid johtalus Norgga riddoguovlluin lea lassáneamen. Lihkohisvuohta dakkár fatnasiin sáhttá dagahit rádioaktiiva suođđama mii čuohcá Norgii. Dat sáhttá mielddisbuktit stuorra váikkuhusaid, ja danne lea dehálaš ahte atomafápmogearggusvuođaorganisašuvdna oktan Heahtedilálašvuođalávdegottiin hárjehallet dakkár lágideamis, lohká DSA direktevra ja Heahtedilálašvuođalávdegotti jođiheaddji Per Strand.
