Politiijat ja ambulánssat hárjehallet Sámedikkis.
Gaskavahkku dán vahkkus, skábmamánu 10. beaivvi, ja disdaga boahtte vahkkus, skábmamánu 16. beaivvi, lea stuora alitčuovga-hárjehallan Sámedikkis go sihke politiijat ja ambulánssat čoahkkanit PLIVO ovttasbargohárjehallamii.
Sámedikki lusa biddjojit maid galbbat main lea merkejuvvon «POLITI-ØVELSE».
– Mii giitit Sámedikki go suvvet min dakkár dehálaš hárjehallama doallat sin luhtte, čállá Kárášjoga politiijaid joavkojođiheaddji Kjell Magne Grønnli.
