-Almmuhus-
KULTUVRA Hárjánan juoigi vuittii

Hárjánan juoigi vuittii

-

-

Johan Anders Bær vuittii dán jagáš Sámi Grand Prix juoiganoasi. Ieš ii loga vuordán vuoitit.

 

Sámi Grand Prix 2015 juoiganoasi vuittii Johan Anders Bær Skomáhkár Ándde dahje Johan Ánde Máhtte Somby Sandvik luđiin.

Maŋábealde lávddi lea juoiganoasi vuoiti nu ilus ahte juoiggada dušše vuoitoluođi.

– Jurdagat leat vaikke makkárat, hui buorre dovdu ja hui somá lei, dadjá Bær.

 

Oaččui eanemus čuoggáid

Ieš ii loga gal leamaš sihkar vuoitit ovdal go čuoggáid lohkagohte.

– Álggos go álge boahtet dat čuoggát ja máŋgii ožžon 12 čuoggá, de šadden measta sihkar vuoitit, čilge son.

Johan Anders Bær lea hárjánan juoigi, son lea maid guktii ovdal searvan Sámi Grand Prixii muhto ii leat goassege ovdal vuoitán.

– Lean 30 jagi juoigan, muhto in leat dán vuoitán ovdal. In leat ge nu máŋgii searvan ge ovdal, ii olmmoš dego gille searvat dákkár gilvui gosa ferte ođđa luođi ráhkadit ja nu ain. Olu buoret konsearttaid doallat, de lea jaskadeabbot, lohká ieš.

 

Stuorra mearkkašupmi

Vuoittu lohká olu mearkkašit.

– Galggašit eanet nuorat álgit juoigat, leat olu boarrásat olbmot geat juiget, dadjá Bær.

– In lean sihkar ovdal go čuoggáid lohkagohtet.

JUOIGANOASI VUOITIT:

1. Johan Anders Bær, 64 čuoggá

 

2. Ingá-Máret Gaup-Juuso, 51 čuoggá

 

3. Per Olof Nutti, 39 čuoggá

 

4. Anne Berit Peltoperä, 38 čuoggá

 

5. Anders Isak Oskal. 35 čuoggá

 

Ávvuda

Dál áigu Johan Anders Bær ávvudit vuoittu.

– Dál áiggun vuolgit hotellii.

– Maid doppe?

– Na jugistit, reaškkiha vuoiti ja lasiha:

– Go jo jearat

 

 

- Advertisement -
-Almmuhus-