-Almmuhus-
OĐĐASATHareide dieđiha lasihit girdi­johtolaga davvin

Hareide dieđiha lasihit girdi­johtolaga davvin

-

-

Johtolatministtar Knut Arild Hareide lohká ráđđehus lea bargamin nannet girdijohtolaga, erenomážit Davvi-Norggas.

– Mii leat bargamin lasiheamen girdijohtolaga oktan girdifitnodagaiguin, dajai Hareide Stuoradikki njálmmálaš gažadanbottus gaskavahku dieđiha NTB.

Son čujuha vissis girdiruvttut leat juo nannejuvvon, seammás go dárbu lea lassánan. Das lea sáhka gaskkal Stokmarknes ja Bådåddjo, dál fargga maiddái gaskkal Álttá ja Romssa.

Lei Ovddádusbellodat gii hástalii johtolatministara lasihit girdijohtolaga fálaldaga. Máŋga bellodaga áirasa háliidedje diehtit boahtá go ráđđehus árvvoštallat oastit eanet girdiruvttuid vuoi nanne fálaldaga.

Dan duođašta Hereide

– Mii geahččat vejolašvuođa oastit eanet girdiruvttuid. Mii diehtit bures ahte lea erenomáš dilálašvuohta Girkonjárggas ja Álttás, dárbu lea njuolggogirdiide gaskal Oslo ja Álttá, ja maiddái Oslo ja Girkonjárgga. Dán mii fertet árvvoštallat dađistaga, dadjá Hareide.

-Almmuhus-